НБА шампионите Голден стејт во дербито на вечерта славеа против Мемфис кои со нив имаат нерасчистени сметки од минатата сезона и силните емоции на двете страни во серијата на доигрувањето. До триумфот дојдоа со 122-120 и покрај исклучувањето на Стеф Кари во завршницата, а херој на мечот беше токму човекот поради кој беше исклучен.
Кари ги загуби нервите, фрлајќи го на паркетот штитникот за заби откако неговиот соиграч Џордан Пул при водство на Вориорс од 116-114 нерезонски шутираше од девет метри додека тој беше отворен за шут. Пул промаши, а Кари полуде поради што доби исклучување на една минута и 14 секунди пред крајот на мечот.
The best video of the Steph Curry mouthguard toss and ejection via @NBCSWarriors. Clearly upset at the Poole shot choice. pic.twitter.com/AdqNbfnqqn
— Anthony Slater (@anthonyVslater) January 26, 2023
Ова е трето исклучување за Кари во неговата 14-та сезона, а интересно секогаш е од истата причина – фрлање на штитникот за заби, кој е веќе препознатлив дел од неговиот имиџ на теренот.
Но, Голден стејт и без него остана во игра за победата која ја донесе на 2,6 секунди пред крајот токму Пул. Со тоа се извади за потегот кој го чинеа нерви Стеф Кари, а токму Кари прв му честиташе за поените и победата на крајот.
JORDAN POOLE CALLED GAME
WARRIORS WIN.#NBARivalsWeek pic.twitter.com/K3DcglqJHr
— NBA (@NBA) January 26, 2023
After being ejected, Steph Curry waited for Jordan Poole in the tunnel to congratulate him on the game-winner for the Warriors 🤝pic.twitter.com/94q2oohJ3m
— ClutchPoints (@ClutchPointsApp) January 26, 2023
Кари мечот го заврши како најдобар стрелец со 34 поени, Клеј Томпсон постигна 24 поени, а Пул со победничките поени заврши со 21 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
