Челси и Кристал Палас одиграа без голови на денешното отворање на натпреварите од Премиерлигата, но уште во раната фаза од натпреварот се случи необичен детаљ.
Гостите мислеа дека поведоа по слободниот удар на Еберечи Езе. Тој го голот со силен удар од 17 метри, а голманот на Челси, Роберт Санчез, реагираше лошо и топката заврши во мрежата.
Но, прославата на фудбалерите на Кристал Палас беше краткотрајна. ВАР го повика судијата Дарен Ингланд, кој по прегледот го поништи голот. Причината беше тоа што Марк Гуехи стоеше поблиску од еден метар до живиот ѕид на Челзи во моментот на изведувањето на слободниот удар, што според правилата не е дозволено.
„По прегледот, беше утврдено дека гостинскиот играч со број шест беше на помалку од еден метар од живиот ѕид во моментот на ударот. Затоа, беше досуден индиректен слободен удар и голот беше поништен“, објави главниот судија во јавното обраќање до гледачите на стадионот.
Стив Сидвел, поранешен фудбалер на Челси, ја коментираше ситуацијата за Би-Би-Си. И самиот беше изненаден од поништувањето на голот, истакнувајќи дека такво нешто е видено многупати во минатото. Па, ако сега се направи ваков преседан, и се носи одлука, тогаш тоа мора да се применува до крајот на првенството.
ПОНИШТЕНИОТ ГОЛ МОЖЕ ДА ГО ПОГЛЕДНЕТЕ НА СЛЕДНИОТ ЛИНК
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
