Кошаркарите на Реал Мадрид триумфираа со 75-74 против Хапоел Тел Авив во драматичен натпревар во Евролигата.
Но, „кралскиот тим“ можеше и да ја испушти победата од рака… Во последниот напад, хрватскиот интернационалец Марио Хезоња имаше офанзивен скок околу 7-8 секунди пред крајот и само требаше да почека некој да го фаулира, а потоа да стави крај на натпреварот.
Но, од причини познати само нему, одлучи да шутира тројка од 10 метри и, како што се очекуваше од таа ситуација, промаши.
Тоа му даде нова шанса на Хапоел, кој во преостанатите 5-6 секунди имаше шут на Василије Мициќ за победа, но српскиот бек не успеа да реализира.
По крајот на мечот, место да слават, кошаркарите на Реал се упатија кон Хезоња, а најгласен беше ветеранот Серхио Љуљ кој имаше што да му каже на својот соиграч. Додека Хрватот бледо гледаше на страна, свесен што можеше да му направи на тимот, Љуљ му одржа лекција.
What a finish in Hapoel Tel Aviv – Real Madrid
After Theo Maledon’s missed jumper, Mario Hezonja did NOT run the clock down and Hapoel got a chance to win it.
Sergio Llull wasn’t very happy with Hezonja taking that shot instead of just holding the ball 😅 pic.twitter.com/OVnmd7KqlT
— Eurohoops (@Eurohoopsnet) November 25, 2025
Хезоња беше најефикасниот играч на овој натпревар со 19 поени, но можеше сè да уништи со еден неразбирлив потег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
