Демијан Лилард во синоќешната победа на Портланд над Јута од 134-124 запиша неверојатни 60 поени.
За него ова е четврти таков натпревар во кариерата, со што се израмни со Мајкл Џордан и Џејмс Харден, а пред него останаа уште само Вилт Чембрлен, кој тоа го направил недостижни 32 пати, и Коби Брајант со шест меча со најмалку 60 поени. Лилард посебно се истакна со ефикасноста со која дојде до овој потфат.
Лилард до 60 поени, од игра погоди 21 од 29 шута (74% ефикасност), девет од 15 тројки и 9 од 10 слободни фрлања. Само е четврти играч во историјата кој 60 поени запишал со шут подобар од 70%, по Чемберлен (четири пати), Карл Мелоун во 1990 година и Дејвид Томпсон во 1978 година.
Tonight was the 4th 60+ point game of Damian Lillard’s career. Only 5 players in NBA history have 4 or more such games:
Wilt Chamberlain: 32 Games
Kobe Bryant: 6 Games
James Harden: 4 Games
Michael Jordan: 4 Games
Damian Lillard: 4 Games pic.twitter.com/WcHMkZQb7r— NBA History (@NBAHistory) January 26, 2023
Но, никој пред него не постигнал 60 поени со помалку од 40 обиди од игра, а на Лилард му беа неопходни само 29 обиди.
Во еден момент на синоќешниот меч постигна 20 поени во низа, а 50 поени веќе имаше пред крајот на третата четвртина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
