Македонија има голман во млади категории кој дефинитивно може да се запише во Гинисовата книга на рекорди.
Младиот чувар на мрежата на КФ Фортуна 2009 – генерација 2014, Аријан Алити кој беше избран за најдобар голман од страна на ФФМ за сезоната 2022/2023, постигна дури 5 гола од гол на гол (на терен од 50 метри далечина) на само еден натпревар. Сето тоа за извонреден рекорд кој ретко се гледа па и на натпреварите во младите категории ширум Европа.
Досега на ниту еден голман не му успеало такво нешто. За македонските фудбалски стручњаци кои го следат Алити е навистина изненадувачки како момче на само деветгодишна возраст има шут со должина од 60 метра, ако се знае дека во светски рамки рекорд на голман е 78 метри од страна на голманот на Манчестер сити, Едерсон.
До сега за две сезони колку игра официјално во Детската лига на ФФМ има дадено повеќе од 50 гола што е атракција како во нашата држава така и на Балканот каде има примено медали и признанија за најдобар млад голман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
