Чешката интернет страница Hooligans.cz, која ги следи голем број на навивачи и нереди во светот, објави нова снимка од инцидентот во Атина, и тепачката меѓу навивачите на Динамо Загреб и на АЕК, при што едно лице го загуби животот.
Во тепачката биле вклучени и навивачи на Панатинаикос, а навивачите на Динамо Загреб денеска треба да излезат на сослушување во Атина.
На новата снимка се гледа како навивачите на АЕК најпрво стојат, а потоа бегаат од нападот на навивачите на Динамо и на Панатинаикос. Се сомнева дека тројца грчки државјани биле организатори на овој неред.
Полицијата веќе неколку дена трага по убиецот на навивачот на АЕК Михалис. Во медиумите се споменуваат разни теории, а засега главни осомничени се тројца Грци, еден Хрват и еден Албанец. Грчки портал пишува дека кај Хрватот и Албанецот биле најдени ножеви на склопување на кои биле најдени траги од крв.
07.08.2023, AEK Athens🇬🇷 vs BBB (Dinamo Zagreb🇭🇷), video from front of AEK stadium https://t.co/Fjy3xrlEmQ pic.twitter.com/cFjQt96uJw
— Hooligans.cz Official (@hooliganscz1999) August 11, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
