Динамо Тирана, иако аутсајдер, приреди вистинско изненадување елиминирајќи го сплитски Хајдук во 3. квалификациско коло за Конференциската лига на УЕФА.
Динамо синоќа во Тирана по продолженија славеше со 3-1 против Хајдук, што беше доволно за пласман понатаму по поразот од 2-1 во Сплит.
Во регуларниот дел на мечот беше 1-0 за албанскиот тим, а во продолженијата откако Хајдук најпрво израмни на 1-1, потоа „проектилот“ на Кардаку од 25 метри во 109. минута беше тој кој дефинитивно ги „сруши“ сплиќаните….
Ова е 15-та година по ред како Хајдук не успева да обезбеди пласман во групната фаза на едно европско натпреварување.
Хајдук последен пат играше во Европа во сезоната 2010/11, кога ја победија Униреа со 4-1 во последното коло од квалификациите за Лигата на Европа и обезбедија пласман во групната фаза. Потоа во групата со Андерлехт, Зенит и АЕК, успеаја да ги победат Белгијците, а потоа забележаа пет порази.
Оттогаш, нивниот најголем дострел е плејофот од квалификациите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
