Кошаркарската репрезентација на Босна и Херцеговина го приреди едно од најголемите изненадувања на Евробаскетот 2025 кога ја победи Грција со 80-77 во четвртото коло од групната фаза.
Селекторот Адис Беќирагиќ мораше да интервенира неколку пати за време на овој натпревар и успеа најпрво да го спречи поразот на својот тим, а потоа да стимулира пресврт против Грците.
Сепак, тој не успеа да го стори тоа во натпреварот против Италија кога Босна и Херцеговина се држеше до средината на третата четвртина, а на крајот загуби со 96-79. Во тој натпревар, најголемиот проблем на тимот беше одбранбениот скок, кој тренерот го опиша многу живописно за време на тајмаутот во третата четвртина.
„Имаме проблем со офанзивниот скок. Имаме шест поени од офанзивниот скок. Кога тие ќе шутнат, сите вие чекате мојот покоен дедо да скокне. Не може така. Мора да се насочите кон скокот. Вие тројца бевте таму пред малку, тројца играчи, и топката ве помина. Не е доволно само да блокирате, мора да одите кон топката. Дали топката ве прескокнува? Значи, ја изгубивме контролата врз скокот. Сè е идеално, освен скокот.“
The most Bosnian thing ever by Basketball Head Coach Adis Beciragic against Italy the other day at a timeout: “You guys are ball watching on rebounds, who are you guys waiting for to jump and get it, my DAD that passed away!?”😂😂😂 @BiHBasketball pic.twitter.com/FYjMB9QlZf
— Bosnian Football (@BosniaNTBall) September 2, 2025
По убедливите порази од Италија и Шпанија, но и победите над Кипар и Грција, Босна и Херцеговина сега може дури и да биде трета во групата. Дефинитивно мора да ја победат Грузија во последното коло за да продолжат понатаму, затоа што во случај на пораз, победата над Грција нема да им значи ништо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
