Вардар без апсолутно никакви проблеми се пласираше во четвртфиналето од Купот на Македонија, откако во осминафиналната пресметка триумфираше со 3-1 против второлигашот Новаци.
На дуелот кој се одигра на стадионот „Петар Милошевски“ на тренинг-центарот на ФФМ, „црвено-црните“ од самиот старт најавија дека нема да дозволат никакво изненадување, па веќе во 8. минута дојдоа до предност од 1-0 со голот на Едиз Спахиу.
Веќе во 18. минута прекрасен погодок со глава постигна капитенот Азер Омерагиќ за водстви и од 2-0.
Гостите успеаја да намалат со голот на Ивановски од пенал во 44. минута од средбата. Но, „вардарци“ ја заокружија победата од 3-1 со погодокот во 79.минута.
Вчера, место во четвртфиналето на најмасовното домашно клупско натпреварување обезбедија и Силекс, Струга ТЛ, Работнички и Шкендија Арачинов која изненадувачки славеше со 1-0 против битолски Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
