Во организација на Едриличарскиот клуб „Акватика Јахтинг“ од Охрид, а под покровителство на Едриличарска федерација на Македонија и Општина Охрид, викендов во нашиот најголем туристички центар ќе биде организирана Меѓународна едриличарска регата.
Актуелнава година, едрењето повторно се враќа на вистински начин на Охридското езеро преку државните шампионати и критериските регати за настап во македонската репрезентација кои се одржуваа во Охрид и во Струга. Сега, првпат по повеќе години и организација на Меѓународна регата која свечено ќе биде отворена утре (25. септември) во 10 часот на Плажа Горица 1.
Натпреварите на регатното поле „Охридски залив“ ќе се одвиваат во класите: Оптимист, Ласер 4.7 и 470. Најавено е присуство на едриличарските клубови „Ј.К Палиќ“ и „Ј.К Панонија 1975“ од Бела Црква, Србија, Централ Софија Јахт клуб од Софија, Бугарија, ЕК Снегар од Струга, како и организаторот ЕК „ Акватика Јахтинг“ од Охрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА