Крилниот фудбалер Винисиус не сака да го напушти Реал Мадрид и се чини дека решение за сагата околу неговиот нов договор е на повидок. Бразилецот е свесен дека трпението на претседателот Флорентино Перез е при крај и, за да го обезбеди својот престој, е подготвен да направи клучен компромис. Ќе се откаже од бонусот за продолжување на договорот што го бараше. Тој е подготвен да потпише за 20 милиони евра ако го сака тоа, пишуваат шпанските медиуми.
Во последните денови се случи пресврт. Винисиус повеќе не сака да ги затегнува односите со раководството и јасно стави до знаење дека продолжувањето на договорот е негов приоритет. Тој го прифати предизвикот на клубот повторно да стане клучен играч во 2026 година и е подготвен да се откаже од своите финансиски барања што ги одложуваа преговорите. Иако сè уште не е официјално постигнат договор, во клубот постои оптимизам дека сè би можело да се реши во наредните денови или недели.
Винисиус е свесен дека мора да направи чекор напред за да го врати својот статус во тимот и тешко може да замисли подобро време за тоа. Во отсуство на Килијан Мбапе, од него ќе се очекува да ја преземе улогата на лидер во нападот и конечно да ја прекине лошата серија од 14 натпревари без постигнат гол. Оваа сезона има пет гола и осум асистенции во 24 одиграни натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
