Владимир Дујовски пред нов прволигашки предизвик

Фудбалерот од средниот ред Владимир Дујовски, по разделбата со штипска Брегалница на крајот од изминатава сезона, сега е пред нов прволигашки предизвик.

Неколку домашни прволигашки екипи се заинтересирани за услугите на 25-годишниот дефанзивен играч за врска кој одигра квалитетна сезона за штипските „сини“, па сега како слободен играч се очекува наредниве денови да ја донесе дефинитивната одлука околу продолжувањето на својата кариера.

Дујовски изминатава сезона одигра 18 натпревари за Брегалница, и покрај тоа што отсуствуваше поради повреда, притоа постигнувајќи и три погодоци. Претходно во својата кариера има настапи и за Малеш, Турново и Кит Го од Пехчево.

Се вчитува...