Тренерот на Слован Братислава, Владимир Вајс сосема очекувано беше крајно незадоволен од изданието на своите избраници во поразот од 2-0 д Шкендија во петтото коло од Конференциската лига на УЕФА.
Вајс на прес-конференцијата по мечот истакна дека Шкендија едноставно била подобриот тим, пожив, побрз и поопасен на теренот кој сосема заслужено дојде до трите бода.
„Лош настап. Тоа е реалноста, не е криза, тоа е прашање на моменталната ситуација. Имаме многу повредени играчи, тоа не е изговор, туку реалност. Шкендија имаше помобилни играчи, а не подобри. Ние не се фокусиравме на голот. Целата наша офанзива е многу слаба. Противникот заслужено победи“ – оцени тренерот Вајс и се пожали на недостатокот на квалитет кај сопствените играчи.
„Ни недостасува централен напаѓач, немаме квалитет во финишот. И, секогаш сме тие ние кои први грешиме на теренот. Ни недостасува напаѓач, а ни недостасува и некој што ќе ја држи топката. Сепак, и без нив, треба да играме подобро против ваков противник. Ни недостасува самодоверба. Мора да бидеме мажи, секој мора да почне од себе и да се погледне во огледало“ – рече Вајс, и дополни:
„Како и да е, треба да останеме со ладна глава и разумно да се справиме со ситуацијата во која се наоѓаме“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
