Новата сезона во Серија А започнува за помалку од еден месец, а очекувањата на Јувентус за нивниот напаѓач Душан Влаховиќ во следната сезона ќе бидат несомнено големи.
Во интервју за „Газета дело спорт“, српскиот репрезентативец откри дека е свесен што се очекува од него.
„Јувентус и јас имаме ист менталитет – никогаш не се откажуваме, веруваме дури и кога се чини дека се е изгубено. Тоа е мојата филозофија, како и филозофијата на клубот. Сите знаеме што претставува овој клуб во Италија, чест и задоволство е да се бранат овие бои“, изјави Влаховиќ.
Напаѓачот минатото лето пристигна од Фиорентина во Јувентус за 80.000.000 евра и оттогаш одигра 21 натпревар на кои постигна девет гола и запиша две асистенции. Солиден настап, но следната сезона кога е поставен планот за „атак“ на титулата со сигурност ќе се бара многу повеќе од него.
„Сакам да влезам во историјата на Јувентус. Тимските голови се поважни од личните, најважно е Јуве да победи. Мојата цел и на целиот тим е да го освоиме скудето, но и да запишам 30 гола. Сепак, најважни се победите. Сè поминува, останува само успехот“, изјави Душан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
