Спортскиот директор на Јувентус, Кристијано Џунтоли наскоро ќе се сретне со агентот на Душан Влаховиќ за да разговара за идното продолжување на договорот со српскиот напаѓач и да избегне повторување на ситуацијата што доведе до разделба на Федерико Киеза ова лето, пренесува „Газета“.
Јувентус планира да му понуди нов договор на Влаховиќ , а Џунтоли ќе започне прелиминарни преговори со претставникот на играчот, од крајот на септември до почетокот на октомври. Актуелниот договор на фудбалерот со гигантот од Торино истекува во јуни 2026 година, а неговата плата наскоро ќе порасне на 12 милиони евра по сезона, вклучувајќи ги и бонусите, иако клубот мора да ги намали трошоците.
Тешко дека преговорите ќе бидат лесни, бидејќи раководството на „Старата дама“ има намера да понуди намалување на платата на Србинот, но подолг договор и повеќе бонуси.
Сепак, Влаховиќ е среќен во клубот и одржува добри односи со тренерот Тиаго Мота, па „бјанконерите“ се уверени дека напаѓачот ќе ја прифати понудата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
