Шефот на стручниот штаб на Тиквеш, Влатко Костов не го криеше задоволството од обезбедениот прволигашки опстанок по убедливата победа од 4-1 против Воска спорт во бараж-дуелот во Струмица.
Костов по мечот ја нагласи одличната игра на неговите избраници кои само го потврдија прволигашкиот квалитет.
„Заслужена победа во тежок натпревар. Добро е што отворивме брзо со 2-0. Можеби се направи мала тензија при нивниот гол за намалување на предноста, но и одигравме тактички навистина одлично. Знаевме дека во второто полувреме Воска ќе се отвори и дека ќе имаме шанса да дојдеме до трет гол. Успеавме во тоа, а потоа и со четврти гол за лесно приведување на натпреварот до крај. Може само да им честитам на моите играчи, навистина сум пресреќен по оваа победа“ – ни изјави Костов по дуелот во Струмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
