Башкими успеа сериозно да се вклучи во трката за пласман во прволигашката конкуренција, славејќи денеска над Македонија ЃП и тоа како гостин, на теренот во Ѓорче Петров. Со ова, „лавовите“ го претрпеа вториот пораз во сезоната, но и натаму останаа на првата позиција на табелата.
Победата на Башкими ја донесе Хусеин Демири кој погоди во 29. минута. Откако доби долга топка од свој соиграч, Демири од левата страна стрелаше прецизно во мрежата на „лавовите“.
Брегалница успеа да ја задржи втората позиција, откако славеше над Новаци со 3-1. Стрелци на головите за Брегалница беа Димитриевски, Калпачки и Хаџи-Кимов.
Во битката за опстанок, Победа славеше во Велес над Борец со 0-1. Скопје на домашен терен одигра без голови со Осогово, а Саса победи во Радовиш, на гостувањето кај Детонит Плачковица.
ВТОРА ЛИГА, РЕЗУЛТАТИ 17. КОЛО
Македонија ЃП – Башкими 0-1
Арсими – Охрид 1-1
Борец – Победа 0-1
Брегалница – Новаци 3-1
Беласица – Вардар Н. 4-0
Скопје – Осогово 0-0
Детонит Плачковица – Саса 1-2
Кожуф – Вардарски 1-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
