Се одиграа натпреварите од 17. коло во Втората лига, во која Беса направи „кикс“ и одигра само 1-1 на гостувањето во Струмица кај Беласица.
Струмичани имаа предност, но Филип Алексовски во 86. минута од средбата донесе израмнување и бод за лидерот на табелата.
Сепак, и покрај нерешениот резултат, Пелистер немаше шанси да стигне, иако битолчани триумфираа на локалното дерби против Новаци со 1-3. „Пелистерци“ со тоа малку му се доближија на лидерот, сега разликата е пет бодови. Головите за Пелистер ги постигнаа Христов, Спиркоски и Танушев.
Походот кон првата лига го продолжува и екипата на Детонит, која триумфираше на домашен терен со Скопје.
На дното, Каменица Саса одново загуби, додека Осогово освои важни бодови за опстанок, совладувајќи го Тетекс со 4-0. Победа, пак, ја продолжува агонијата, и беше поразена од Башкими со 0-1 на свој терен.
ВТОРА ЛИГА, 17. КОЛО
БЕЛАСИЦА – БЕСА 1-1
ДЕТОНИТ – СКОПЈЕ 1-0
КАМЕНИЦА САСА – АРСИМИ 2-3
КОЖУФ – ВАРДАР Н. 0-1
НОВАЦИ – ПЕЛИСТЕР 1-3
ОСОГОВО – ТЕТЕКС 4-0
ПОБЕДА – БАШКИМИ 0-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
