Двегодишната ќерка на НФЛ играчот на Тампа Беј Баканерс Шекил Барет се удави во базенот во семејниот дом, соопштија властите.
Полицајците добиле повик дека Араја, најмладата ќерка на Шекил Барет, паднала во базенот околу 9.30 часот по локално време. Потоа била пренесена во болница во Тампа, Флорида, каде била констатирана смрт, јавува Би-Би-Си.
Полицијата соопшти дека истрагата е во тек, но дека ништо не укажува на сомнителни околности на смртта.
„Трагичната вест ги скрши срцата на сите членови на семејството Баканерс. Се молиме за Шек, Џордана и целото семејство Берет во овој незамисливо тежок период за нив. Знаеме дека ниту еден збор не може да даде утеха во вакво време, но сакаме да кажеме дека сме со нив“, се вели во соопштението на клубот.
Американските медиуми објавија дека девојката за време на роденденската забава паднала во базен и се удавила, а и покрај брзата реакција на возрасните кои веднаш ја извлекле од водата и повикале лекари, таа не можела да се спаси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
