Очигледно во Аргентина не постои врската на џентлменство меѓу мажот и жената, особено не ако станува збор за фудбалски натпревар.
Имено, на социјалните мрежи се појави брутален напад врз судијка на меч меѓу аргентински нисколигаши, а несреќната 30-годишна Далма Магали Кортади доби удар од страна на Кристијан Тироне од редовите на Гарменсе.
Кортади сакаше да ги смири страстите на теренот и поради тоа подели два жолти картони на двете страни, но потоа следеше брутален нокаут.
Судијката со полесни повреди беше примена во болница, а напаѓачот беше уапсен од страна на полицијата и против него е поднесена пријава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
