Се уште е актуелна можноста Трент Александер-Арнолд да потпише со Ливерпул и да остане на Енфилд. Според „Ливерпул Ехо“ клубот верува дека тоа е можно, иако од почетокот на годината упорно се тврди дека англискиот репрезентативец веќе постигнал договор со Реал Мадрид и како слободен играч ќе се пресели на Сантијаго Бернабеу.
Вирџил ван Дијк и Мохамед Салах веќе потпишаа повторно и ќе останат на „Енфилд“ уште две години. Ова е една од причините што може да го убеди Трент да го стори истото. Другиот фактор е што се уште не е јасно кој ќе биде тренер на Реал Мадрид следната сезона, а шпанските медиуми тврдат дека Карло Анчелоти најверојатно нема да остане во клубот.
Трент се врати на терените минатиот викенд по повредата и ќе го води Ливерпул до победа против Лестер во својот прв натпревар. Александер-Арнолд ја изрази својата радост пред гостинските приврзаници, што на навивачите им даде причина да читаат во неговото однесување гестови кои укажуваат дека 26-годишниот фудбалер може да остане.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
