Бојан Миовски ги надмина проблемите со повредата и ќе биде во комбинација за настап за Глазгов Ренџерс на големото шкотско дерби против Селтик што е на програмата денеска.
Миовски блесна со неколку одлични партии пред крајот на 2025 година, но потоа заработи незгодна повреда. Сепак, сега повредата е минато за нашиот голгетер и Бојан е најавен како стартер на вечното дерби.
„Бојан Миовски повторно е во конкуренција за место во тимот. Тренираше добро, веќе не чувствува болка и дефинитивно ќе биде во комбинација. Сите сме максимално мотивирани за победа над Селтик, и тоа во првиот меч во новата година на кој триумф би донел огромен скок во нашата самодоверба“, изјави стратегот Дени Рол.
Дербито меѓу Селтик и Глазгов Ренџерс е на програмата од 13.30 часот. Тимот на Миовски моментно се наоѓа на третото место на табелата со 35 бода, шест помалку во однос на лидерот Хартс и „минус три“ во однос на второпласираниот Селтик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
