Еден од најконтроверзните менаџери во светот на фудбалот, Жозе Мурињо, новиот предводник на Рома, навистина е „специјален“. Откако дојде во Рома, некако е тивок, повеќе работи со тимот отколку што го има по медиумите, па за да не остане незабележан, конечно се огласи и се пофали со една работа – 40 дена нема дадено ниту едно интервју.
Португалецот седна на столче за интервју од клупската телевизија на „волчицата“, па за првото интервју после доаѓањето во Рим и промоцијата, не можеше да остане мирен, а да не се пофали или пожали.
„Насмеан сум зашто замислете…поминаа рекордни 40 дена без интервју. Неверојатно време во кое бев исклучиво фокусиран на работа и заборавив на моите пријатели од медиумите. Денеска беше денот, имав интервју за Рома, а да сум искрен – нема ништо поинтересно. Ги сакам медиумите, многу ми недостигаат“, изјави Мурињо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
