Билијард федерацијата на Македонија го организира првиот настан насловен како „Куп на Македонија во билијард“ кој ќе се игра на 31. август и 1. септември во Скопје.
На програмата ќе биде популарната дисциплина „деветка“, а натпреварувачкиот костур ќе биде дефиниран според правилата за елиминација врз база на два пораза.
Домаќин е билијард клубот „Гран Клуб“, а натпреварите почнуваат од 9 часот на 31. август, додека финалето е в недела (1. септември) од 21 часот. Право на настап ќе имаат сите играчи, од А и Б дивизијата, но и оние кои досега не биле членови на клуб и не се дел од федерацијата, при што е битно само да се државјани на Македонија.
Се очекува дека ќе има околу 100 учесници од 15 града, за кои федерацијата обезбеди и солиден награден фонд, но и пехари и медали за најдобрите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
