Србија синоќа загуби од Англија со 2-0, со што и дефинитивно ги загуби сите можни шанси за пласман на СП 2026.
Но, поранешниот селектор Драган Стојковиќ е сè уште кошмар за српските навивачи. Легендарниот Пикси беше прогласен за виновен за фактот што „Орлите“ нема да одат на Светското првенство.
Новиот селектор Вељко Пауновиќ не успеа да создаде чудо во својот прв натпревар на клупата, но никој не го обвинува. Србите и натаму удираат само на Драган Стојковиќ.
„Пикси е виновен за сè. Да беше Пауновиќ селектор од самиот почеток наместо Стојковиќ, ќе се квалификувавме за СП. Не е важно, подобро да пропуштиме првенство отколку да се стремиме кон него со Виски“ – се дел од коментарите на навивачите од Србија.
Стојковиќ ја напушти српската клупа по поразот во Лесковац од Албанија (1-0). Тој ги водеше „Орлите“ четири и пол години и стигна до Светското првенство и Европското првенство.
Вељко Пауновиќ има огромна поддршка од српските навивачи. Секако, има критики за составот, но има многу повеќе кои очекуваат големи работи во иднина.
„Не е важно, целосна поддршка за Вељко. Сета чест им е за тоа како се бореа. Сега треба да го наполниме стадионот против Латвија“ – се коментарите на навивачи, пак, за Пауновиќ по синоќешниот пораз од Англија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
