Манчестер Сити конечно стави крај на долгиот пост без шампионска титула во европските натпреварувања откако во финалето од Лигата на Шампионите славеше против Интер со 1-0. Целиот тим бурно ја прослави историската титула на теренот, а славјето ќе продолжи понатаму се до понеделник кога се очекува пречекот во Манчестер.
Ѕвездата на Сити, Кајл Вокер по натпреварот успеа и однапред да му се извини на селекторот на Англија, Герет Саутгејт за количината на алкохол која ќе ја испие пред квалификациските натпревари против Малта и Македонија.
„Ретко останувам без зборови, но ова е остварување на сонот. Неверојатно е чувството да ја освоите тројната круна со Сити. Уште поубаво е што можев да ја прославам титулата пред мојата фамилија, моите деца и моите родители. Доаѓам од Шефилд од каде не е лесно да се пробиете. Ставете било каков алкохол пред мене. Герет, извини, но се ќе испијам“, вели Вокер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
