Александар Волкановски се врати на тронот во својата категорија во ММА откако во голем стил стигна до победата во последната борба против Лопез. Австралиецот кој има македонски корени веќе се врати во татковината, каде даде видео-изјава во која се пошегува и за својата борба со Лопез.
„Имам исекотини, устата ми е отечена, едвај јадам… Лопез беше навистина тежок ривал, тој е добро момче, не сака да ме гледа како патам… Сепак, ако му треба утеха по поразот, само нека ме види како изгледам по борбата. Беше навистина добар“, коментираше Волкановски, со видни повреди на лицето по тешката борба.
Засега не се знае точно кој ќе биде следниот предизвикувач на големиот шампион, но медиумите кои следат ММА најавуваат дека тоа речиси сигурно ќе биде Русинот Евлоев.
„Ми се допаѓа фактот дека Евлоев нема пораз во досегашниот дел од кариерата. Исто така, тој е член на помладата генерација во нашиот спорт. За она што јас сакам да го оставам зад себе како наследство кога ќе се повлечам, победа над Евлоев навистина би ми значела многу“, порача Александар Волкановски.
Alexander Volkanovski reveals he has cuts in his mouth and is struggling to eat, and he praises Lopes for the pain caused.
“There are cuts in my mouth, making it hard to eat. I’ll be feeling the pain from Lopes for a couple of weeks. I mean, he’s a good dude—he doesn’t want to… pic.twitter.com/QPsEnAPf9K
— Red Corner MMA (@RedCorner_MMA) April 15, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
