Хрватскиот репрезентативец Шиме Врсаљко во претстојната сезона ќе го носи дресот на италијанскиот калчолигаш Интер. Раководството на „нероаѕурите“ ги договори сите детали со Атлетико Мадрид и со самиот фудбалер за едногодишна позајмица, со клаузула и за комплетно откупување на договорот.
Интер на Атлетико Мадрид за позајмицата ќе му плати 8 милиони евра, а по завршувањето на сезоната ќе има и опција да го откупи за дополнителни 17 милиони евра. Хрватот во наредните неколку дена ќе допатува во Милано да ги изврши лекарските прегледи и да стави потпис за верност со „нероаѕурите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
