Втор пораз за Денвер во низа, Дончиќ и Џејмс донесоа лесна победа за Лејкерс (ВИДЕО)

  • Екипа
  • 04.02.2026 / 07:59
  • СПОДЕЛИ:
Фото: X/Los Angeles Lakers

Детроит Пистонс ги победија Денвер Нагетс со 124:121 и ја забележаа 37-та победа сезонава. Со тоа Детроит ја забележа третата победа во низа, додека ова беше втор пораз по ред за Денвер.

Не помогна ниту Никола Јокиќ кој се врати во тимот. Гостите се држеа до својот резултат во првото полувреме против лидерите во Источната конференција, но работите се променија во второто полувреме. Детроит ја доби втората четвртина со 14 поени разлика и имаше значително водство пред полувремето.

Денвер играше многу подобро во второто полувреме, почнувајќи да го намалуваат водството на своите ривали, но тоа не беше доволно. Нагетси дури и заостануваа со два поени во еден момент, но домашните тим го издржаа налетот и забележаа уште еден триумф.

Како и обично, Кејд Канингем беше најистакнат со 29 поени и десет асистенции. Данкан Робинсон постигна 20 поени, а Џален Дуран имаше 19 и 13 скока. Џамал ​​Мареј го предводеше Денвер со 32 поени. Никола Јокиќ постигна 25 поени, заедно со 15 скока и четири асистенции. Пејтон Вотсон постигна 17 поени.

Лос Анџелес Лејкерс го совладаа Бруклин со 125-109 и ја продолжија борбата за повисок пласман во пресрет на плеј-офот.

Гостите имаа водство од 21 поен по првите 12 минути, а на полувремето заминаа со предност од речиси 30 поени.

Потоа темпото значително се забави, што Бруклин го искористи за да го ублажи 36-от пораз во сезоната.

Најефикасен играч за победничкиот тим беше Леброн Џејмс со 25 поени, додека Лука Дончиќ постигна еден помалку. Џејк Ларавија додаде 18, а Остин Ривс имаше 15 поени.

НБА, РЕЗУЛТАТИ:
Детроит – Денвер 124:121
Индијана – Јута 122:131
Вашингтон – Њујорк 101:132
Бруклин – ЛА Лејкерс 109:125
Мајами – Атланта 115:127
Далас – Бостон 100:110
Милвоки – Чикаго 131:115
Оклахома – Орландо 128:92
Голден Стејт – Филаделфија 94:113
Портланд – Феникс 125:130

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...