На кошаркарските терени во Македонија овој викенд активни беа и второлигашите кои го комплетираа 9. коло. Во него Чаир 2030 се врати на победите откако славеше против Струмица, а неизвесните натпревари во „Шабан Трстена“ и „Тими“ им припаднаа на Шкупи и Баскет КАМ.
Чаир 2030 со триумфот од 89-71 над Струмица им се врати на победите и остана на првото место на табелата со победа повеќе од Вардар кој славеше во Битола против Хераклеа со 68-88 и Соколи 1933 кои го добија гостувањето кај Охрид со 73-80.
Во неизвесен натпревар до самиот крај на победа се радуваше Шкупи кој славеше над ослабениот Борец Баскет со 81-78, а трилерот во Струга му припадна на тимот на Баскет Кам кој се радуваше на победа од 81-83 против Црн Дрим.
До важна победа во деветото коло стигна и Тетекс ТКК кој го одбрани домашниот терен од Партизан Водно Санс, триумфирајќи со 75-69.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
