Детонит Плачковица триумфираше против Пелистер во дербито на 19. коло од Втората македонска фудбалска лига, и повторно се врати во игра за втората позиција на табелата која носи следната сезона во елитата. Беса, пак, сигурно „гази“ кон Првата лига победувајќи убедливо со 0-3 на гостувањето против Каменица Саса.
Детонит Плачковица триумфираше на домашен терен против Пелистер со 1-0, со голот на Стефан Бабунски уште во 19. минута од средбата.
Филип Алексовски во 5. и во 74. минута и Христијан Драгарски во 35. минута стрелаа за Беса на гостувањето против Каменица Саса во победата од 0-3.
Извонредна гостинска победа забележа Охрид кој со 0-1 славеше против Вардар Неготино. Стрелец на голот за охриѓани беше Филип Димоски во 69. минута од натпреварот.
Гостинска победа запиша и Скопје со 0-1 против Караорман со голот на Мердиан Рамадани во 85. минута, а без голови завршија дуелите во Струмица и во Кочани.
Новаци и Тетекс одиграа натпревар без победник (1-1). Новаци поведе во 80. минута со голот на Стефановски, но само една минута подоцна Дејан Цветаноски израмни за Тетекс.
РЕЗУЛТАТИ – 19. КОЛО
Вардар Неготино – Охрид 0-1
Беласица – Башкими 0-0
Детонит Плачковица – Пелистер 1-0
Каменица Саса – Беса 0-3
Караорман – Скопје 0-1
Кожуф – Арсими 0-2
Новаци – Тетекс 1-1
Осогово – Победа 0-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
