Струмичка Беласица повторно се зацврсти со предност на врвот од табелата во Втората лига – Исток, откако во 10. коло пред своите навивачи убедливо со 6-0 славеше против Плачковица. На тој начин, струмичани го искористија и ремито на Брегалница во Валандово, за зацврстувањето на врвот од табелата.
Беласица победата ја најави уште во 12. минута со голот на Митевски, а до полувремето веќе беше 2-0 со погодокот на Крсте Тодоров во 39. минута. Во второто полувреме погодија и Серафимовски, Ташев, Сулев и Јордан Серафимовски.
Брегалница, пак, не успеа да стигне до победата на гостувањето против Победа во Валандово играјќи 1-1. Горан Здравков во 60. минута донесе водство за штипјани, но домашните израмнија со голот на Владимир Жоглев во 74. минута.
Борец повеќе од убедливо со 3-0 славеше против Каменица Саса. Стрелци на головите за Борец Велес беа Пановски во 3. минута, како и Андреј Кудијан во 14. и во 29. минута.
Тиквеш убедливо со 0-4 славеше на гостувањето против Осогово во Кочани.
РЕЗУЛТАТИ – 10. КОЛО
Борец – Каменица Саса 3-0
Победа Валандово – Брегалница 1-1
Беласица – Плачковица 6-0
Осогово – Тиквеш 0-4
Кожув (слободен)
ТАБЕЛА: Беласица 23 бода, Брегалница(-1) 19, Борец 17, Кожуф(-1) 16, Тиквеш 12, Плачковица 12, Саса 8, Победа Валандово 8, Осогово 7 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
