Беласица ги искористи киксевите на водечката тројка во Втората лига – Исток за доближување до врвот, откако во 17. коло убедливо со 6-0 триумфираше над Локомотива.
Димитар Трајков со хет-трик уште во првото полувреме донесе предност од 3-0 за Беласица, а во вториот дел стрелаа уште и Крстев, Терзиев и Сулев.
Урим Бајрами со голот во 38. минута ја шокираше Каменица Саса за победа на Братство 07 на гостински терен од 0-1.
Слога Виница, пак, со голот на Симевски во 55. минута имаше предност од 0-1 на гостувањето против Кожуф во Гевгелија, но домашните израмнија за конечни 1-1 со голот на Бејков во 80. минута.
Осогово славеше со 0-1 против Пехчево на натпреварот кој се играше во Штип. Кочанци до триумфот дојдоа со голот на капитенот Тошо Манов од пенал во 67. минута.
РЕЗУЛТАТИ – 17. КОЛО
Пехчево – Осогово 0-1
Каменица Саса – Братство 07 0-1
Кожуф – Слога Виница 1-1
Беласица – Локомотива 6-0
Детонит јуниор – Победа 0-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
