Без апсолутно никакви проблеми водечките екипи во второлигашката конкуренција дојдоа до победи во 22. коло од Втората македонска фудбалска лига.
Лидерот Вардар на стадионот „Борис Трајковски“ во Маџари триумфираше со 3-0 против Каменица Саса. Десниќ во првото полувреме погоди за 1-0 за црвено-црните, а во финишот од мечот погодија и Размоски и Митев за конечни 3-0.
Но, во чекор „вардарци“ се следени и од Воска која со 1-3 славеше на гостувањето против Слога Виница, како и од Гостивар кој убедливо со 0-3 триумфираше против Беласица во Струмица.
Пелистер на домашен терен со 2-0 го победи Детонит.
Екипата на Охрид Лихнидос успеа да издвои победа над екипата на Борец. Стрелци на головите за охриѓани беа Мартин Нически и Давид Матески.
ВТОРА ЛИГА – 22. КОЛО
Вардар – Каменица Саса 3-0
Охрид – Борец 2-0
Слога Виница – Воска спорт 1-3
Беласица – Гостивар 0-3
Тетекс – Беса 1-2
Пелистер – Детонит 2-0
Арсими – Караорман 3-1
Кожуф – Локомотива Скопје 2-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
