Втора лига: Три екипи на делба на првото место

Екипите на Борец баскет, Ангели и на Соколи 1933 остануваат на делба  на лидерската позиција и по девет одиграни кола во второлигашката конкуренција. Кошаркарите на Ангели беа убедливи на дуелот против екипата на Работнички 2018, во кој славеа со резултат (97:72), па сега тимот кој го предводи тренерот Игор Гацов има ефект (7-2).

Атанасов дојде до 23 поени, Стојанов, Ибраими и Чурлинов запишаа по 10 за победничката екипа. Во онаа поразената, Цветковски беше стрелец на 16 поени, Павловски даде 13, а Димковски уште 12 поени.

Слично издание прикажаа и кошаркарите на Борец баскет кои дојдоа до планирана победа во дуелот со конкурентот на на табелата струшки Црн Дрим со (87:73). Одлична четврта четвртина одиграа домашните кошаркари во дерби дуелот на 9.коло, во која, парцијално направија (17-9), и ја потврдија победата. Еден од најискусните на теренот, Штерјов, беше и најдобриот стрелец во домашниот состав. Реализираше 23 поени, по 15 постигнаа Петровиќ, Стојковиќ и Карталовиќ, додека 11 реализации додаде Бојчев. Во екипата од Струга, блескаше уште еден млад играч, Камиловски, кој изброја 34 поени, додека по 13 имаа Здравковиќ и Шабани.

Најубедлив настап од екипите на врвот на табелата имаше онаа од Штип. Соколи 1933 со „плус 40“ ги испрати младите играчи на МЗТ Скопје Уни Банка за главниот град, победи со (93:53). Костадинов реализираше 30 поени за екипата од Штип, Шајкаров имаше 10, кај гостите, Ангеловски даде 16, а Масевски уште 11.поени.

Мaџари ја доби локалната пресметка против екипата на Бутел, победи со (79:73), доволно да држи приклучок со водечките екипи на табелата. Димитровски, постигна 15 поени, Митков имаше 13, а Тодоровски и Нацевски реализираа по 12.поени. Најголем број на поени за гостите од Бутел реализираше  Хот, кој дојде до бројката 19, Цариќ, додаде 18, Мартиновски 11, а Киров десет поени.

ВТОРА ЛИГА-МАЖИ

РЕЗУЛТАТИ И ДВОЈКИ 9. КОЛО

Охрид – Мега баскет       76:66

Ангели – Работнички 2018        97:72

Маџари – Бутел     79:73

Борец баскет – Црн Дрим         87:73

Соколи 1933 – МЗТ Скопје Уни Банка           93:53

9. ДЕКЕМВРИ (ПОНЕДЕЛНИК)

13.00: Академија ФМП – Партизан Водно Санс

Сала „Никола Карев“ – Струмица

ТАБЕЛА: Ангели 16, Соколи 1933 16, Борец баскет 16, Маџари 15, Црн Дрим 15, Охрид 14, Мега баскет 14, Бутел 13, МЗТ Скопје Уни Банка 13, Работнички 2018 10, Партизан Водно Санс 9 (-1), Академија ФМП 8 (-1);