Ракометната репрезентација на Македонија забележа уште една победа во рамките од првата подготвителна фаза за СП 2025. Селекторот Лазаров реши за почеток од подготовките во Старата Пазова за ривали да има екипи од Србија, па така денеска нашата национална селекција се сретна со тимот на Динамо Панчево (51-46).
Оваа екипа, која моментно се наоѓа на третото место во српскиот шампионат, беше добар ривал за испробување на тактичките замисли на селекторот и стручниот штаб, кои можат да бидат задоволни од она што го видоа од своите избраници. Како и на првиот меч од пред неколку дена, беше договорено мечот да се игра во три периоди од по 30 минути.
Српскиот тим парираше во првата третина што Македонија ја доби со 16-15, по 60 минути игра резултатот гласеше 35-30 за нашата репрезентација, предност што избраниците на Лазаров ја задржаа до самиот крај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
