Претседателот на Србија, Александар Вучиќ е познат по тоа што често во јавноста зборува за работи за кои државен лидер нема потреба да зборува. Сепак, Вучиќ сака да биде во центарот на вниманието, а нема подобар начин да го купи тоа внимание од тоа да зборува за најголемите спортски клубови во Србија Црвена звезда и Партизан, чии долгови ги откри утрово на телевизија „Пинк“.
Српскиот претседател Александар Вучиќ е познат како голем фан на Црвена звезда. Тој тоа не го крие и постојано го истакнува во јавноста, а иако не треба премногу да се интересира за вакви работи, јавно зборува и за долговите на најголемите српски клубови.
Вучиќ денеска откри дека Црвена звезда и Партизан имаат милионски долгови. Но, посебен проблем е Партизан чија фудбалска и кошаркарска секција должат неверојатна сума.
„Заедно фудбалските и кошаркарските клубови Партизан и должат на државата 26 милиони евра даночни обврски. Тогаш јас сум п**ер за навивачите на тој клуб, затоа што ги оставивме да не плаќаат, а овие другите треба да платат“, изјави Вучиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
