По долгата пауза поради повреда, Стефан Вујчиќ на најдобар можен начин се врати на терените, сега во дресот на чаирскиот прволигаш Шкупи.
Во првиот свој натпревар за Шкупи, Вујчиќ го постигна и првиот гол во новиот дрес во ремито (1-1) против украинскиот Черноморец Одеса, потврдувајќи дека ќе биде можеби најголемото засилување за чаирчани во пролетниот дел од шампионатот.
„Навистина сум среќен што конечно се вратив на терените. Се чувствувам одлично, а уште повеќе и поради постигнатиот гол во дресот на Шкупи. Пред мене е многу важна година, верувам дека ќе ги оствариме зацртаните амбициозни цели со Шкупи. Овој тим има голем потенцијал и веќе се чувствува тоа и на теренот за време на овие подготвителни натпревари во Анталија“ – вели Вујчиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
