Бруно Лаге повеќе не е тренер на Вулверхемптон откако денеска премиерлигашот се одлучи да ја прекине соработката по лошиот почеток на сезоната. Португалецот седна на „жешкото столче“ пред 15 месеци, но поразот од Вест Хем (2-0) стави крај на неговиот престој во Англија.
Вулверхемптон ова лето потроши 100 милиони на засилувања, но очигледно ни тоа не беше доволно за екипата да почне да бележи добри резултати. По осум одиграни натпревари тимот е на 18. место на табелата со една победа, три нерешени меча и четири порази.
Wolves have parted company with head coach Bruno Lage.
We would like to thank Bruno and his coaching team for their efforts during their time at the club and wish them the very best for the future.
— Wolves (@Wolves) October 2, 2022
Навивачите на клубот се надеваат дека на тренерската позиција ќе се врати Нуно Еспирито Санто кој од 2017 до 2021 година правеше чуда на клупата на „волците“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА