Швајцарскиот тенисер Роџер Федерер истакна дека ривалството кое го има со Рафаел Надал е поголемо од тоа со Новак Ѓоковиќ.
„Тоа што го направи Ѓоковиќ во последните десет години е импресивно. Тој е еден од најдобрите тенисери на сите времиња. Има квалитети исто како и Рафа. Не знам против кого ми е потешко, но можам да кажам дека поради должината на нашето ривалство со Надал е посебно. Секако и двајцата ме направија подобар бидејќи ме тераа да вадам максимум од себе“, изјави Федерер.
Федерер и Надал ќе играат во февруари во Кејптаун на кој се очекува да присуствуваат 55.000 гледачи со кој ќе се урне рекордот за најпосетуван тениски меч во историјата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
