Македонскиот репрезентативен голман Столе Димитриевски, вчера имаше нова одлична партија и „чиста мрежа“ во дуелот со Алмерија. Неговиот тим Рајо Валјекано на крајот славеше триумф од 2-0, и ги задржа шансите за пласман во Лигата на шампионите. Звучи неверојатно, но Димитриевски и неговиот тим се најдоа во ситуација да бркаат место во најелитното европско натпреварување.
Она што исто така радува е формата на Димитриевски. Тој во оваа сезона едноставно е неверојатен. Во 19 одиграни натпревари во Ла Лига има дури осум чисти мрежи, односно 42%. Тој е втор најдобар голман во Ла Лига во таа карактеристика, после неприкосновениот Марк-Андре Тер Штеген од Барселона кој има 15 „чисти мрежи“ од 20 натпревари.
Димитриевски во оваа статистичка бројка е подобар и од голманот на Реал Мадрид Тибо Куртоа, потоа чуварот на мрежата на Атлетико Јан Облак, шпанскиот репрезентативец и член на Атлетик Билбао, Унаи Симон…
🧤 @Dimitrievski1 en su quinta temporada en Vallecas.
⚡️ En 19 partidos disputados con el Rayo Vallecano en este curso 2022-2023, Stole Dimitrievski ha dejado su portería a cero en ocho ocasiones.
▶️ Es decir, un 42% del total de los partidos disputados en LaLiga Santander. pic.twitter.com/vUG7wr0AYA
— Raúl González (@RaulGlezP_) February 7, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
