Шпанскиот тенисер Карлос Алкараз се пласираше во второто коло на УС Опен откако го совлада Австралиецот Ли Ту по сетови 6-2, 4-6, 6-3 и 6-1.
Алкараз го отвори мечот со два брејка и првиот дел од играта го доби без проблем со 6:2.
Сепак, во вториот сет, 186. тенисер на планетата прилично го измачи Алкараз. Прво спаси четири брејк топки пред Шпанецот да успее да ја претвори петтата во предност од 4:3, но Ту веднаш возврати, израмнувајќи на 4:4, а потоа во десеттиот гем, петтата брејк шанса ја претвори во 6:4, и израмни на 1:1 во сетови.
Тоа како да го разбуди Алкараз, кој во третиот сет од резултат 3:2 за Австралиецот врза четири гема и со 6:3 стигна до 2:1, за на ривалот да му дозволи само пет поени во четвртиот во првите пет гејма. Алкараз стгина до лесни 5:0, а потоа и трет меч поен, и прв на свој сервис, за конечни 3-1.
Во следното коло оди и Диало од Канада кој го совлада Мунар од Шпанија, потоа Бергс од Белгија кој беше подобар од Котов. Во следното коло се пласираше и Австралиецот О’Конел победувајќи го Џари од Чиле, како и Белучи од Италија кој го победи Вавринка. Пол од САД беше подобар од Сонего од Италија, и се пласираше во втората рунда.
Во женскиот дел од турнирот, во следната рунда се пласираа Самсонова, Хадад Маиа, Боузкова, Путинцева, Паолини, Кенин и Пегула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
