Лидерот на табелата, Шкендија, денеска (15.30 часот) му гостува на последнопласираниот тим на ФК Скопје на „Железарница“. Иако се знае кој е фаворитот на оваа средба, сепак, фудбалерите на тетовскиот прволигаш не се залажуваат дека лесно ќе ги освојат трите бода. Како поука им служи дуелот меѓу Скопје и Вардар, кога „пиратите“ успеаја да му откинат бод на актуелниот првак.
„Не се залажуваме дека не очекува лесен натпревар против ФК Скопје. Иако се на последното место, сепак, имаат свои квалитети и посебно добро играат на домашен терен. Впрочем, му откинаа бод и на шампионот Вардар. Но, ние сме подготвени да одиграме уште еден квалитетен натпревар и со мудра игра да дојдеме до трите бода. Шкендија на секој натпревар оди на победа“, порачува голманот Костадин Захов.
ФК Скопје досега забележа три ремија во шест натпревари, против Вардар, Пелистер и против Ренова.
ПРВА ЛИГА – 7. КОЛО (денеска, 15:30 ч.)
Скопје: РАБОТНИЧКИ – АКАДЕМИЈА ПАНДЕВ
Битола: ПЕЛИСТЕР – ВАРДАР
Кратово: СИЛЕКС – ПОБЕДА
Скопје: СКОПЈЕ – ШКЕНДИЈА
ВЧЕРА
Тетово: РЕНОВА – ШКУПИ 0-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
