Олимпискиот комитет на Македонија успешно го организираше првиот вебинар на тема Спортска дипломатија! На сесијата присуствуваа претставници од Олимписките комитети на Македонија, Црна Гора, Босна и Херцеговина, Албанија и Косово, што претставува значаен чекор кон продлабочување на регионалната соработка преку спорт.
Вебинарот беше предводен од д-р Џон Сајмон Роуф, истакнат научник и водечки експерт во областа на спортската дипломатија, кој сподели исклучително значајни перспективи што ќе го насочат развојот на следните активности во рамки на проектот.
Втор вебинар е закажан за февруари, со кој продолжува заедничкиот процес на учење. Клучниот настан на проектот: Самитот за спортска дипломатија, кој ќе се одржи во Скопје во април.
Оваа иницијатива има особено големо значење, бидејќи го поставува темелот за создавање на првиот Центар за спортска дипломатија на Западен Балкан, регионална платформа посветена на унапредување на дијалогот, соработката и меѓусебното разбирање преку спорт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
