Обвинителството во Париз отвори истрага за сајбер малтретирање на уметничкиот директор на свеченото отворање на Олимписките игри (ОИ), кој поднел тужба еден ден претходно. Томас Џоли ја поднесе тужбата во вторникот, наведувајќи дека „на социјалните мрежи тој е цел на пораки со закани и навреди кои ја „критикуваат неговата сексуална ориентација и погрешно го прикажуваат неговото израелско потекло“, потврдија од обвинителството во Париз.
Во тужбата Џоли споменува смртни закани „поради неговото потекло и сексуална ориентација“, како и клевети против него. На Франс прес му беше кажано дека многу од пораките на омраза биле испратени на англиски јазик и дека се уште не е утврдено од каде доаѓаат заканите, но се сомнева дека се од странство.
Додека креативноста на церемонијата на отворање на Олимпијадата, која се одржа на 26 јули, беше пофалена од многу гледачи, една од сцените со трансвестити околу масата која потсетува на Тајната вечера предизвика критики во конзервативните и крајно десничарските кругови во странство и во Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
