Светскиот рекордер во маратон Кениецот Келвин Киптум погребан е во своето родно село Чепсамо во долината на Рифт, каде го мина својот краток живот.
Големиот фаворит за трката на ЛОИ 2024 во Париз, 24-годишниот Киптум загина ноќта меѓу 11. и 12. февруари во сообраќајна несреќа заедно со тренерот Хакизиман.
Киптум беше ѕвезда во раст во светската атлетика, а на големата сцена се проби веќе во третата своја трка во кариерата во Чикаго минатиот октомври, кога го постави светскиот рекорд од 2:00.35 часа.
Стотици лица оддадоа почит за Киптун и во центарот за обука на атлетичари каде беше нагласено дека тоа што тој го оствари на така млади години е нешто неверојатно и единствено.
Киптун неодамна најави дека на маратонот во Ротердам во април ќе се обиде да стане првиот атлетичар кој ќе истрча маратон под границата од два часа. Но, за жал, не успеа да го дочека тоа…
Athletes kneel down at Kelvin Kiptum’s funeral to receive prayers against the spirit of accidents pic.twitter.com/leHVTPqRpv
— Citizen TV Kenya (@citizentvkenya) February 23, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
