Започна гласањето на кошаркарите за Ол-стар викендот во Лос Анџелес

Како и во претходните години, конечниот состав ќе биде одреден со комбинација од гласови од публиката, активните играчи и претставниците на медиумите. Навивачите играат клучна улога, бидејќи нивните гласови тежат најмногу, додека преостанатите гласови се рамномерно поделени помеѓу кошаркарите и медиумите.

Љубителите на кошарката од целиот свет можат да учествуваат во гласањето, а од секоја конференција ќе биде избран ист број учесници.

Овогодинешниот Ол-стар натпревар ќе го има познатиот формат со три екипи. Секој тим ќе биде составен од осум играчи, што значи дека вкупно 24 кошаркари ќе учествуваат на турнирот – осум интернационалци и 16 Американци. Во првата фаза ќе бидат избрани по 12 играчи од Источната и Западната конференција.