Италијанскиот калчолигаш Рома ја очекува претстојната сезона со многу промени. Ги нема веќе „вечните“ Франческо Тоти и Даниеле де Роси, кои си заминаа од клубот по две децении, а тимот ќе има и нов тренер. Пауло Фонсека синоќа пристигна во Рим да ги преземе обврските и беше импресиониран уште на аеродромот „Фјумичино“.
„Ова е голем чекор за мене, се надевам дека ќе газам сигурно и цврсто. Не очекува многу работа, треба да изградиме нов тим и се надеваме дека Рома следната сезона ќе се бори за највисок пласман во Серија А. Ветувам многу работа и би сакал да ја имаме поддршката од фановите, како што тоа било и во минатото“, изјави Пауло Фонсека.
Новиот тренер се соочува со многу заминувања, најнови во најава се Костас Манолас, кој ќе се пресели во Наполи, и Един Џеко, кој е во финални преговори со Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
