Јувентус во текот на утрешниот ден ќе го комплетира првиот летен трансфер за наредната сезона, откако Тимоти Веа попладнево слета во Торино на лекарски прегледи и потпис со „старата дама“.
Тимоти е син на легендарниот голгетер Жорж Веа, поранешниот ас на Милан и ПСЖ, но барем засега не успева да тргне по стапките на легендарниот татко. Веа настапува за селекцијата на САД, каде не е стандарден првотимец, што се должи пред се на фактот дека не добиваше преголема минутажа ниту во дресот на Лил.
Францускиот тим поради тоа и даде зелено светло за трансфер, прифаќајќи ја понудата на Јувентус од вкупно 12 милиони евра плус бонуси.
Timothy Weah è arrivato a Torino 🛬 pic.twitter.com/dECjP2Jo7u
— JuventusFC (@juventusfc) June 28, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
