Судот во Вупертал, Германија, осуди тројца мажи на затворски казни за уцена на семејството на легендарниот Михаел Шумахер, седумкратниот светски шампион во Формула 1.
Дојче веле пренесува дека 53-годишниот Јилмаз Т. добил тригодишна затворска казна бидејќи се заканувал дека ќе ги објави приватните податоци на славниот Германец и неговото семејство на „дарк веб“ доколку на уценувачите не им платат 15 милиони евра, додека неговиот 30-годишен син Даниел Л. ќе помине година и пол во поправен дом.
Поранешниот обезбедувач на швајцарскиот имот на семејството Шумахер, Маркус Ф., е осуден на две години затвор затоа што продавал фотографии на уценувачи за наводна петцифрена сума пари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
